PRAESIDIA Arcana

PRAESIDIA Arcana

in Inscr. vet. Romana. ANNUANT. DII. ROMANAE. REI PUBLICAE. ARCANAQUE. URBIS. PRAESIDIA. QUORUM. NUTU. IMPERIO. ROMANO. REGNA. CESSERE. Sunt Praesidia fatalia, quae figebant olim in penetralibus Sacrariorum, salvis illis Rem publicam non posse perire persuasi, uti de Palladio, Ancilibus, aliis, res nota. De iis Claudian. Bellô Geticô, v. 100.

—— procul arceat altus

Iuppiter, ut delubra Numae, sedemque Quirini

Barbaries oculis saltim temerare profanis

Possit et arcanum tanti doprendere Regni.

Ad quem locum vide Casp. Barthium, quaedam vero in hanc rem quoque supra in voce Consecratio. Aliâ ratione sunt Arcana Deorum, illorum consilia, apud Statium, Thebaid. l. 8. v. 280.

—— Qui cum ipse arcana Deorum

Partiri, et visas uni sociare solebat

Amphiaraus aves etc.